Take a fresh look at your lifestyle.

ಎಸಿಬಿ ಬಲೆಗೆ ಬಿದ್ದ ಕಾರ್ಮಿಕ ಅಧಿಕಾರಿಗಳು

10 ಸಾವಿರಕ್ಕೆ ಬೇಡಿಕೆ ಇಟ್ಟಿದ್ದ ಇಬ್ಬರು ಅಧಿಕಾರಿಗಳು 5 ಸಾವಿರ ಲಂಚವನ್ನು ಮೊದಲೇ ಪಡೆದುಕೊಂಡಿದ್ದರಂತೆ

0
post ad

ವಿಜಯಪುರ : ಪೆಟ್ರೋಲ್‌ ಪಂಪ್‌ನ ಲೇಬರ್‌ ಲೈಸನ್ಸ್‌ ನವೀಕರಣಕ್ಕಾಗಿ ಲಂಚ ಪಡೆಯುತ್ತಿದ್ದ ವೇಳೆ ಜಿಲ್ಲಾ ಕಾರ್ಮಿಕ ಅಧಿಕಾರಿ -1 ಮತ್ತು ಕಾರ್ಮಿಕ ನಿರೀಕ್ಷಕಿ  ಭ್ರಷ್ಟಾಚಾರ ನಿಗ್ರಹ ದಳದ ಬಲೆಗೆ ಬಿದ್ದಿದ್ದಾರೆ.

ವಿಜಯಪುರ ಕಾರ್ಮಿಕ ಅಧಿಕಾರಿ ಸೂರ್ಯಪ್ಪ ಡೊಂಬರಮತ್ತೂರ ಮತ್ತು ಕಾರ್ಮಿಕ ನಿರೀಕ್ಷಕಿ ಲಲಿತಾ ರಾಠೋಡ ರವರೇ ಭ್ರಷ್ಟಾಚಾರ ನಿಗ್ರಹ ದಳದ ಬಲೆಗೆ ಬಿದ್ದ ಭ್ರಷ್ಟ  ಅಧಿಕಾರಿಗಳಾಗಿದ್ದಾರೆ.

ಇಂಡಿ ಪಟ್ಟಣದ ರೂಪೇಶ ಶಹಾ ಎಂಬುವವರ ತಾಯಿ ಹೆಸರಿನಲ್ಲಿ ಇರುವ ಪೆಟ್ರೋಲ್‌ ಬಂಕ್‌ನ ಲೇಬರ್‌ ಲೈಸನ್ಸ್‌ ನವೀಕರಣ ಮಾಡಲು 10 ಸಾವಿರಕ್ಕೆ ಬೇಡಿಕೆ ಇಟ್ಟಿದ್ದ ಇಬ್ಬರು ಅಧಿಕಾರಿಗಳು 5 ಸಾವಿರ ಲಂಚವನ್ನು ಮೊದಲೇ ಪಡೆದುಕೊಂಡಿದ್ದರಂತೆ.
ಬಳಿಕ ಮತ್ತೆ 5 ಸಾವಿರ ಪಡೆಯುತ್ತಿದ್ದ ವೇಳೆ ಎಸಿಬಿ  ಅಧಿಕಾರಿಗಳು ದಾಳಿ ನಡೆಸಿ, ಬಂಧಿಸಿದ್ದಾರೆ.
ವಿಜಯಪುರ ಎಸಿಬಿ ಪೊಲೀಸ್‌ ಠಾಣೆಯ ಡಿವೈಎಸ್‌ಪಿ ಎಂ.ಕೆ. ಗಂಗಲ್‌ ನೇತೃತ್ವದಲ್ಲಿ ಪೊಲೀಸ್‌ ಇನ್‌ಸ್ಪೆಕ್ಟರ್‌ ಹರೀಶಚಂದ್ರ, ಪಿ.ಜಿ.ಕವಟಗಿ, ಸಿಬ್ಬಂದಿಗಳಾದ ಮಹೇಶ ಪೂಜಾರಿ, ಸುರೇಶ ಜಾಲಗೇರಿ, ಅಶೋಕ ಸಿಂಧೂರ, ಈರಣ್ಣ ಕನ್ನೂರ, ಮದನ್‌ಸಿಂಗ್‌ ರಜಪೂತ, ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.